Egoera horren ondorioz, halabeharrezkoa da elikagaien balioa berreskuratzea eta gizarteari gogoraraztea elikagaien xahuketak ondorio larriak eragiten dituela, bai ekonomikoak, bai sozialak, bai ingurumenekoak.
Europako beste herrialde batzuetan, mahaikideek bukatu ez dituzten jakiak etxera eraman ohi dituzte.
Katalunian argitaratu berri den elikagaien xahuketaren aurkako legeak jatetxeak behartzen ditu bezeroei soberakinak eraman ditzaten aukera erraztera.
Euskadin, administrazioak eta ostalaritza eta sukaldaritza elkarteak, zenbait ekimenen bidez, lehen pausoak ematen ari dira pentsaerak eta ohiturak aldatzeko; izan ere, jokabide hori normalizatzea guztion onerako izango da.
Zuk ere lagun diezaiokezu aldaketari: ausartu zaitez!
2 2,5 kg eguneroko xahuketa, 4€/kg, 298 egun urtean.
Aukera interesgarria izan daiteke menu erdirik, eguneko platerik edo haurrentzako menurik dagoen galdetzea. Modu horretan, ez duzu eskatuko kontsumituko duzuna baino askoz gehiago.
Beste aukera bat da zerbitzariei eskatzea anoen tamaina zuk jango duzun kantitatera egokitzeko.
Laburbilduta:
Soberakinak etxera eramateko zenbait modu daude: jatetxeak eskaintzen dituen erabili eta botatzeko ontziak, edo ontzi birziklagarriak edo konpostagarriak (adibidez, Gourmet Bag deiturikoak). Horretaz gain, gure tuperrean ere eraman ditzakegu soberakinak, edota doggy bag direlakoetan (soberakinak etxeko animalientzat eramatekoak).
Ondoren, Gourmet Bags ekimena zertan datzan azalduko dizugu. Ekimen hori Gipuzkoako Foru Aldundiak bultzatu zuen Donostiako Udalarekin, Gipuzkoako Ostalaritza Elkartearekin eta Impact Hub Donostiarekin elkarlanean:
Gourmet Bag ontziak likidoak ere onartzen ditu, mikrouhin labeetan berotu daitezke eta konpostagarriak dira % 100ean. Bi tamainako ontziak daude.
Nabarmentzekoa da, adibidez, COVID-19aren pandemiaren lehen egunetan zehar zenbait establezimenduk beren alderik solidarioena erakutsi zutela. Janaria prestatu zuten beren biltegi eta hozkailuetan gordetako lehengaiekin, eta elikagaiak eskuratzeko zailtasunak dituzten pertsonei eman zizkieten.
Informazio gehiago - Jatetxeetan elikagaien xahuketa ekiditeko gidak:
Interesgarria da, halaber, xahutzen diren elikagaien kantitateak eta arrazoiak ezagutzea. Gaur egun, horretan lagundu dezaketen merkataritza-tresnak existitzen dira:
App horren bidez, zugandik gertu beren produktuak eskaintzen dituzten establezimenduak bila ditzakezu. Nagusiki, "sorpresazko paketeak" banatzen dira, eguneko soberakinen araberako produktuekin.
fitxa deskargatu
