Elikagaien xahuketa onartezina da hamar pertsonatik bat egunero gosez lo egiten den mundu batean, ingurumenerako eta klimarako zama izateaz gain. Elikagaien galera eta xahuketa murrizteak aldaketa sistemikoa eskatzen du elikadura-sistema guztietan.

Elikagaiak dohaintazan emateko Lantaldeak, Eusko Jaurlaritzako Osasun Sailak, EAEko hiru hiriburuetako Osasun Zerbitzuek eta elikagaien sektoreko Ausolan, Oreka eta Amatemann S.L. enpresek elkarlanean, «Euskadin elikagai-soberakinak doahintzan emateko gida» prestatu dute.

Helburuak

Tailerrean, Euskadin elikagai-soberakinak emateko gida orientagarria errepasatuko da, elikagai-soberakinak behar bezala emateko bete behar diren higiene- eta osasun-baldintzak adieraziz.

Gainera, elikagai-soberakinak birbanatzeko bi kasu praktiko aurkeztuko dira, bata ekoizpen primarioarekin erlazionatua eta bestea kolektibitateentzako otorduak prestatzen duten establezimenduen arloan.

Jarduera nori zuzenduta

• Unibertsitateko ikasleak
• Profesionalak
• Publiko orokorra
• Elikagai-enpresak: Elikagaien emaileak, birbanatzaileak eta hartzaileak eta Administrazioak.

Metodología

Lau profesionalek parte hartuko dute tailerrean. Elikagai-soberakinen dohaintzaren arloan dauden esperientziak eta jardunbide egokiak partekatuko dituzte. Era berean, dohaintzan emandako elikagaien birbanaketaren inguruko ziurgabetasunak eta balizko irtenbideak aztertuko dira.

Jardunaldia gazteleraz emango da.

Egitaraua