4. Erronka: Erosketa Arduratsua

4. ERRONKA EROSKETA ARDURATSUA

EROSKETA EGITERA JOAN BAINO LEHEN

Erosketa egitera joan baino lehen, gogoan izan aurretiaz egindako EROSKETA-ZERRENDA hartu behar duzula. Horretarako, aurretiaz asteko menua pentsatu beharko duzu, bai eta etxean zer duzun gordeta begiratu ere. Erabakitako menua prestatzeko falta zaizkizun elikagai guztiak sartu beharko dituzu erosketa-zerrendan.

1. ERRONKA_ikusi

Saia zaitez erosketa egitera SABELA BETETA DUZULA joaten. Erosketa egitean gose bazara edo sabela hutsik baduzu, “kapritxo” eta beharrezkoak ez diren produktu gehiago erosiko dituzu. Saiatu erosketa-zerrendan dauden produktuak bakarrik erosten.

Erosketa planifikatzeko informazio gehiago:

Horrez gain, gomendagarria da BERRIZ ERABIL DAITEZKEEN POLTSAK baliatzea erosketa etxera eramateko. Izan ere, erabilera bakarreko poltsak erabiltzea ekidingo duzu eta ingurumena zainduko duzu. Izoztutako produktuak erostekotan, horrelako produktuetarako poltsa espezifikoak erabili, elikagaiak azkarregi desizoztea ekiditeko.

EROSKETA EGITEAN

Elikagai galkorrek iraungitze-data dute. Data horrek adierazten digu elikagai bat zein datara arte kontsumitu dezakegun modu seguruan.

ETIKETAK IRAKURRI. Baliteke erosketa luzatzea (oso gutxi), baina zer erosten ari zaren jakingo duzu zehazki, eta, gainera, sorpresak eta produktua bota behar izatea ekidingo duzu.

Gainerako elikagaietan kontsumo lehenetsiaren data agertuko da. Data horrek adierazten du elikagaiak noiz arte mantentzen dituen bere ezaugarri organoleptikoak egoera onean.

DATA IGARO DENEAN, ELIKAGAIA SEGURUA DA
ETA KONTSUMITU DAITEKE
(beti ere gomendatutako baldintzetan gorde bada)
baina baliteke produktuaren ezaugarri organoleptikoak onenak ez izatea.

ELIKAGAIAREN IZENA IRAKURRI
Garrantzitsia da zer erosten ari zaren jakiteko. Izena ez duzu marka komertzial edo fantasiazko markekin nahasi behar. Elikagaiaren izena Europako legeriak ezarritako izen juridikoa izango da. Hala ere, ez da elikagai guztiek duten zerbait. Izena ez bada horrela adierazten, elikagaia zer den adierazten duen deskribapena egongo da.

EROSKETA ORDENA BAT ERAMAN
Hotz-katea mantenduz, elikagaiak azkarregi hondatzea ekidingo duzu.
Segida logikoa honako hau da:

Oso garrantzitsua: Aprende a diferenciar entre IRAUNGITZE-DATA eta KONTSUMO LEHENETSIAREN DATA ezberdintzen ikasi behar duzu. Biek produktu baten gutxieneko iraupena adierazten digute; hau da, elikagaiaren propietateak egoera ezin hobean noiz arte mantentzen diren adierazten dute. Hala ere:

Egiazta ezazu erosten duzuna adierazitako datetan kontsumitu ahal izango duzula. Ez da beharrezkoa iraungitze-data luzea duen produktu bat erostea egunean bertan edo hurrengo egunetan kontsumituko baduzu.

1. Giro-tenperaturan dauden elikagaiak: kontserbak, pasta, ogiak, edariak, esnea, arrautzak…
2. Hotzean gordetzen diren elikagaiak: hozteko makinetan daude; besteak beste, haragiaren eratorriak, ontziratutako haragi eta arrain freskoak, erdi-kontserbak, esnekiak, etab. sartzen dira horien artean.
3. Izozturik gordetzen diren elikagaiak: izozkailuetan gordetako elikagaiak dira. Horrelako produktuak ahalik eta beranduen hartzen saiatu beharko duzu. Izan ere, desizozteko denbora gutxiago izango dute horrela. Gogoan izan poltsa termiko batean sartzea gomendatzen dela, hor produktuek gehiago irauten dutelako izozturik.

DATA IGARO DENEAN, EZ DA ELIKAGAI SEGURUA

ADI ESKAINTZEKIN!
Oso ohikoa da produktu batzuetan hainbat unitatetako ontziak erostea merkeagoa dela adierazten duen eskaintza ikustea. Horrek produktuak erosteko bultzada eragin dezake, baina ez badakizu ziur iraungitze‑data baino lehen kontsumituko dituzun ala ez, ontzi indibiduala erostea da onena. Saia zaitez erosketa-zerrendan idatzitakoa baino ez erosten.
Gogoratu: Ez jarraitu bultzadei.

AHAL BADUZU, ONTZIRATU GABEKO PRODUKTUAK EROSI
Benetan behar duzun kantitatea kontsumituko duzu eta ez duzu ezer alferrik galduko. Gainera, ingurumena zainduko duzu, plastikoen erabilera murriztuko duzulako.

Ezin baduzu ontziratu gabeko produkturik erosi, begiratu produktuaren etiketa, EDUKI GARBIA zenbatekoa den jakiteko. Horrela, produktuaren zenbat kopuru edo ontzi indibidual behar dituzun kalkulatu ahal izango duzu.

EROSKETA EGITEN AMAITU DUZUNEAN

ERAMAN DENA ETXERA AHALIK ETA AZKARREN
Ez zaitez bidean gelditu beste erosketa bat egiteko edota zerbait edateko. Zuzenean eraman erosketa etxera eta gogoan izan hozkailuan eta izozkailuan gordetzen diren produktuak berehala gorde behar dituzula.

BERTAKO ELIKAGAIAK MAHAIAN
Gogoratu bertako elikagaiak kontsumitzea. Onura ugari ditu:

ikusi_ 3.ERRONKA: BERTAKO ELIKAGAIAK MAHAIAN

PDF formatuan
fitxa deskargatu

ZEURE ESPERIENTZIAK GEHITU

www.zerodespilfarro.eus webgunean, tresnak, tailerrak eta abar argitaratuko ditugu hilez hil, baita elikagaien xahuketari aurka egiteko helarazten diguzuen beste edozein ekimen ere.

Nirearen webgunean (www.nirea.eus) fokua elikagaien eta gure sektore primarioaren balioan jarriko dugu: baserritarrei, sasoiko elikagaiei, tokiko azokei, landa-inguruneko esperientziei eta abarrei buruzko informazioa argitaratuko dugu. Har ezazu parte!

#0despilfarrourtea

Jarrai ezazu erronka gertutik #0despilfarrourtea traolarekin eta zuk hautatutako beste espezifikoren batekin; eta erabil itzazu zuk ere sare sozialetan zure ekimenak ikusarazteko.